slaskie.travel
Zaprŏszōm wszyjstkich na moja prezyntacyjo, kiero z braku lepszych pomysłōw zatytułowołech „Niy yno Ukraina”. Jak sie niy ciynżko kapnōńć głōwnym tymatym bydzie właśnie Ukraina, kiero ôdwiydzołech już poranoście razy. Ale niy myślcie se, że na Ukrainie sie skōńczy, bo idzie tam ze Ślōnska zajechać bp. bez Bałkany a Turcyjo. Doprowdy, sprawdzołech to! Z takich rajzōw bydōm ciykawe przigody, m.in.: jak jechołech na stopa ze chorwackōm mafijōm; jak we Serbiji chcieli mie zawrzić we hereszcie za, jak mi to padali, niylegalne wtargniyńci na jejich terytorium; jak we Macedoni znodłech chopa, kiery ćwierć wieku pryndzyj podwoziōł na stopa mojich ôjcōw; jak na tureckij granicy kupowołech wiza; czy jak mie chcieli zastrzelić we Ôdessie. Bōło tego wiyncyj, ale po co ôd razu wszyjstkŏ zdradzać. A co sie zaś tyczy samej Ukrainy to bydzie coś ô życiu mjyndzy, jak to gŏdajōm tamtejsi miyszkańcy, Europōm a Rusami. Bydzie Rizdwo, czyli prawosławne Godne Świynta; bydzie pariłka, czyli ukraińsko sauna, no i ôczywiście przigody: jak w czasie jazdy na kole chytołech stopa; jak przekraczołech granica w niydozwolonym miyjscu; jak służby celne zrobiōły zy mie przemytnika i... Czy normalny człowiek poradzi w tympyraturze -10 stopni przejachać na ôbładowanym kole 248 kilometrōw w ciōngu jednego dnia? Poradzi! No chyba, że jŏ sie niy kwalifikujã do kategori normalny.
Prezentacja odbędzie się 27 czerwca (wtorek), o godzinie 19:00, Klub Podróżników - Namaste, Jana III Sobieskiego 27, Katowice.
Serdecznie zapraszamy.
źródło: www.namaste.katowice.pl
